惠州罗浮山旅游攻略-惠州罗浮山主要景点

琴日就介绍左罗浮山

同大家讲左我爬罗浮山嘅故事

同埋讲左d爬罗浮山嘅tips

今日我就介绍下惠州其他景点

同埋最惠州嘅沙滩

首先要讲嘅系惠州西湖

　　惠州嘅小伙伴同我讲

呢个算系惠州一个大景点

相当于我地广州嘅白云山

惠州人周末好多时候都会带住一家大细黎玩

　　虽然呢个湖叫西湖

但系肯定比唔上杭州果个真正嘅西湖噶啦

就系一个大公园

有一个大湖

可以撑下艇仔咁

　　附近有d小景点就要收费

个人就唔建议去啦

行下西湖就得啦

周末会爆多人

所以如果要去嘅话最好避开周末

　　呢度我想提一件事

唔知大家有冇印象

就是前几年

西湖边发生左一件事

　　我当时睇到呢个新闻都好震惊

淋极都唔明点解果个男嘅要捉d松鼠

或者距只系为左一时嘅乐趣

但系距嘅做法唔单单系破坏左生态

仲破坏左人同动物之间嘅信任

大家出去玩一定要注意唔好破坏当地生态

惠州西湖有野生松鼠

咁就讲明呢度生态非常好啦

冇错

惠州生态系好好

呢度仲有一个海龟湾

海龟湾是中国大陆1800****公里海岸线上海龟的最后一张产床，也是中国唯一的国家海龟自然保护区。被列入“拉姆萨尔公约”国际重要湿地名录。

呢个海龟湾系一个保护区

入去呢个海龟湾限制比较多

好多时候都系唔开放

其实可以理解嘅

留翻个好嘅环境比d海龟

所以我当时系冇去海龟湾

不过因为惠州嘅小伙伴经常提到呢个地方

所以我都系度提及一下

如果有小伙伴想去

详情可以问下度娘

跟住就讲讲巽寮湾啦

巽寮湾系一个好长嘅沙滩

度娘话

呢度属于全球顶级天然泳场哦

　　距分为公共沙滩同私人沙滩

公共沙滩系免费嘅

公共沙滩会比较多设施

有收费嘅水上拓展项目

　　但旺季嘅时候超多人好似煮饺子咁

而且因为系玩水

所以大家基本都系集中夏季去

我去果时候大概系六月

路过公共沙滩

成个沙滩密密麻麻都系

人！从！众！

妈妈咪呀

太恐怖啦

　　咁当然我系做足功课嘅

我地提早就订好左酒店

酒店就有距自己嘅沙滩

　　呢度强烈建议大家住带有私人沙滩嘅酒店！

维护得比较好

而且人少

非常舒适

因为当时系同同学一齐

所以我地住嘅就系比较悭

大概250蚊一晚双标

招待所嘅标准....

我地住果间真系好老旧

厕所门都关唔紧

超多蚊

马桶又成日塞果种

所以我就唔推荐我住果间比大家啦

大家可以上网稳下

巽寮湾非常多酒店

各种星级都有

500蚊起步

有d仲带海景泳池

嗯..

上面呢个就系海景泳池啦

一路游水一路看海听海浪涛

比100个good

　　跟住我就讲下交通

讲真

我觉得果度嘅交通其实好唔方便

碰碰带路tips

如果自己有车

最好最好就自驾车

广州市区到达巽寮湾唔塞车大概2.5小时

如果冇车

其实可以考虑租车

（我地当时从增城出发就系租车，小面包来回双程300蚊）

如果系坐车就系先去从天河客运站去惠州

然后惠东汽车站有车直接去巽寮湾

转两次就有d麻烦

而且去到稳酒店都会好麻烦

然后仲有就系可以报半自由团

就系包来回车包酒店果种

我觉得都几方便

我地下午嘅时候入住

休息过后

大家就话去踏浪

后尾唔知点解大家踏下踏下就全部湿晒...

之后就开始打水仗

超开心哈哈哈哈哈哈

不过要注意嘅系巽寮湾嘅礁石比较多

大家落水玩嘅时候一定要注意安全

巽寮湾嘅水都算可以

几清

沙滩嘅沙都几细腻几干净

（干净与否取决于人多唔多）

碰碰带路tips

我都去过好多沙滩

巽寮湾呢度都算比较大浪

而且呢度无论系公共定系私人嘅沙滩

救生设施同人员都严重不足

呢个时候只可以自己小心d啦

唔熟水性嘅朋友最好租个救生圈

我地稳嘅果间酒店虽然便宜

但系黎公共沙滩同埋商业区好远

所以我地买野同食基本都要系酒店解决

（司机大叔只负责第一天送我地过黎，第二天送我地翻去）

因为系咁，酒店d野超级贵

其实计起身其实同住好d嘅酒店差唔多...

因为我地系学生出行

所以我地淋住第一餐食差d

咁样第二日就可以食翻餐海鲜

第一晚订左酒店嘅盒饭

都要20蚊一盒

第二日早餐我地14个人 分左两台

其实都系食下粥啊 炒粉果d

两张台埋单差唔多300蚊...

呢度物价你地可想而知

虽然好贵

但系黎到海边点可以唔食海鲜

我地第二日嘅午饭就食左海鲜

　　（当然唔系上图咁多啦...呢张仅系一张配图）

14个人埋单大概800蚊

因为距嘅分量非常少（唔知有冇偷工减料）

所以我地加菜都加左好几次

最好食就系白灼鱿鱼筒点wasab****

　　鲜到飞起

我觉得应该临近嘅村或者商业街会比较便宜

呢个时候自驾车就有好处

可以自己出去觅食

碰碰带路tips

总嘅黎讲巽寮湾都几好玩

作为一个临近广州

可以作为周末出游嘅海滩

巽寮湾都算性价比高

只要你唔去公共海滩

你都会有一个几好嘅玩水体验

就算唔玩水

系岸边踏浪玩沙都好惬意

最后提下

巽寮湾嘅夕阳都系非常靓嘅

染红左半边天

非常壮观

惠州就介绍到呢度噜~

听日见~

你有什么想去的地方？

你想知道哪里的攻略？

小编哪里还做得不够好？

欢迎在公众平台留言

或者私信我哦~

私人 ... ：KuangR****

么么哒(づ￣ 3￣)

　　内容转载自 ...

　　潮爆旅游

　　了解更多

 您阅读本篇文章共花了： 

标签： 惠州罗浮山旅游攻略